பார்வை கோளாறால் கமல் மகள் பரிதவிப்பு

‘கண்ணாடி - கான்டக்ட் லென்ஸ் இல்லாமல் என்னால் பார்க்க முடியாது. பல சமயங்களில் வாழ்த்து சொல்லவேண்டிய நபரைவிட்டு வேறு நபருக்கு வாழ்த்து சொல்லி விடுகிறேன்’ என்று உருக்கமுடன் கூறி உள்ளார்
கமல்ஹாசன் மகள் ஸ்ருதி. நடிப்பு, இசை, நடனம் என பல்துறைகளில் சிறந்த விளங்குபவர் ஸ்ருதி ஹாசன். தற்போது தமிழில் ‘7ம் அறிவு’ மற்றும் இந்தியில் ‘தில் டோ பச்சா ஹை ஜி’ படங்களில் நடித்து வருகிறார். இவர் தனது டுவிட்டர் பக்கத்தில் எழுதி இருப்பதாவது:

என்னை பொருத்தவரை 90 சதவீதம் பார்வையற்ற பெண்ணாகவே வாழ்கிறேன். கண்ணாடி அணியாமல் 2 சென்டி மீட்டர் தூரத்தில் இருக்கும் பொருளைக்கூட பார்க்க முடியாது. யாருக்கும் நான் வாழ்த்து சொல்வது கிடையாது. அப்படி சொல்லும் நபர் வேறு ஆளாக இருக்கும்பட்சத்தில் அவரிடம் மன்னிப்பு மற்றும் வருத்தம் தெரிவிக்க வேண்டி உள்ளது.  நேற்றுகூட தவறான நபருக்கு வாழ்த்து சொல்லிவிட்டேன். மேலும் கண்ணாடி கதவு இருப்பது தெரியாமல் நடந்து சென்றேன். இது எனக்கு சந்தோஷத்தை தரவில்லை. எது எப்படியோ மூக்கு கண்ணாடியும், கான்டக்ட் லென்சும் பல்லாண்டு வாழ்க.

இவ்வாறு உருக்கமாக ஸ்ருதி ஹாசன் குறிப்பிட்டிருக்கிறார்.  சமீபகாலமாக த்ரிஷா உள்ளிட்ட சில நடிகைகளின் பெயரில் போலியான டுவிட்டர் பக்கங்கள் தொடங்கப்பட்டு அவர்களைப் பற்றியே இழிவாக எழுதுவது, ஆபாசமாக போட்டோ வெளியிடுவது போன்ற சம்பவங்கள் நடந்து வருகின்றன. ஸ்ருதிஹாசன் எழுதி இருப்பதாக குறிப்பிடப்பட்டிருக்கும் இந்த விஷயங்கள் அப்படிப்பட்ட ரகமாக இருந்தால் சந்தோஷமே!